როგორ ავარჩიოთ ჭურჭლის სარეცხი მანქანა

დროის დამზოგველი ამ მოწყობილობის მწყობრიდან გამოსვლა ნამდვილად გულდასაწყვეტი მომენტია მომხმარებელთა უმრავლესობისათვის. Energy Star-ის კვლევების შედეგად დგინდება რომ მისი დახმარებით ადამიანი წელიწადში 230 საათს ზოგავს – დიახ, საშუალოდ ამდენ დროს ვუთმობთ ჭურჭლის ხელით რეცხვასა და მის შრობას. ამ სტატიაში გაგაცნობთ ხერხებს საიმისოდ, თუ როგორ უნდა გაარკვიოთ რომელია საუკეთესო ჭურჭლის სარეცხი მანქანა, რომელიც მორგებული იქნება როგორც თქვენს საჭიროებებზე, ისე თქვენს ბიუჯეტზე.

ტრადიციული ჩაშენებული ჭურჭლის სარეცხი მანქანები ამ მოწყობილობის ყველაზე ფართოდ გაყიდვადი ტიპია, ჩვენი კვლევებისათვის შეძენილი მანქანები, ძირითადად 24 ინჩის სიგანისაა. ჩვენს რეიტინგებში თქვენ 100-ზე მეტ მოდელს შეხვდებით, ხოლო ორი მათგანი უჯრის ფორმის ჭურჭლის სარეცხი მანქანაა, მათი მომწოდებელი Fisher & Paykel გახლავთ და იგი ამ ტიპის მოდელის ერთადერთი მწარმოებელი გახლავთ. როგორი მოდელიც არ უნდა შეარჩიოთ, აუცილებლად შეიძინეთ მისთვის ისეთი საწმენდი საშუალება, რომელმაც ჩვენს კვლევებში საუკეთესო შედეგები აჩვენა.

ჭურჭლის სარეცხი მანქანები ხელმისაწვდომია თეთრ, კრემისფერ, შავ, ნაცრისფერ, ვერცხლისფერ ფერებში. თავდაპირველად ეს მარჯვე მოწყობილობები დიზაინით ძალიან ჰგავდნენ ერთმანეთს, მაგრამ დღეს სრულებით სხვა სურათის წინაშე ვდგავართ. ზოგიერთმა მწარმოებელმა გაამარტივა კიდეც მისი იერი, მართვის ღილაკები კარების თავზე განალაგა, შესაბამისად, ისინი სრულებით უხილავია მაშინ, როდესაც კარები დახურულია.

ზოგიერთ მოდელზე კი ბრენდის ლოგოც კი აღარაა დატანილი და გრძელ სახელურს მისი შემცირებული ანალოგი ანაცვლებს. ამ ცვლილებების განხორციელების შემდეგ ეს მოწყობილობა სამზარეულოში შესანიშნავად გამოიყურება სხვა ბრენდების უჟანგავი მოწყობილობების გვერდით.

ლაბორატორიულად შემოწმებული მოწყობილობა თქვენი სახლისთვის

ჩვენ მთელი წლის მანძილზე ვტესტავთ ჭურჭლის სარეცხ მანქანებს, თითოეული მათგანის შეფასებასა და მისი მახასიათებლების იდენტიფიკაციას 28 საათს ვახარჯავთ. ჩვენი ექსპერტები თითოეულ ჭურჭლის სარეცხ მანქანას ტვირთავენ 10 ადგილიანი რეჟიმით და მასში ათავსებენ თეთრი კერამიკის ჭურჭელს, მასზე მიმცხვარი საკვებით, შემდეგ მას რთავენ ნორმალურ ციკლზე (ან მის ექვივალენტზე). როდესაც ციკლი დასრულდება, ჩვენ ვაკეთებთ ციკლის დროის, მოხმარებული წყლისა და ენერგიის მოცულობის ჩანაწერებს. ჩვენ ასევე ვიყენებთ სპეციალიზებულ ფოტო აღბეჭდვის მოწყობილობას, რომელიც უმაღლესი სიზუსტით ადგენს რამდენად სუფთაა თითოეული ჭურჭელი, ჩვენ ასევე ვამოწმებთ იმას, თუ რამდენად კარგად აშრობს თითოეული მანქანა პლასტმასის ზედაპირს და ექსპერტები ასევე მსჯელობენ ხმაურის დონეებზეც.

გამარჯვებულად ვერ ჩაითვლება ისეთი ჭურჭლის სარეცხი მანქანები, რომლებიც გამოირჩევიან კარგი პერფორმანსით, მაგრამ დროთა განმავლობაში ეს მაჩვენებელი მილევადია. ამიტომაცაა მნიშვნელოვანი გაეცნოთ ჩვენს ბოლო სანდოობისა და მფლობელის კმაყოფილების კვლევის შედეგებს.  და გაიმარტივოთ თქვენს ბიუჯეტზე მორგებული საუკეთესო ჭურჭლის სარეცხი მანქანის არჩევის საქმე, ჩვენ ახლა კი გავაერთიანებთ ლაბორატორიული ტესტირების შედეგებს, საპროგნოზო სანდოობასა და მფლობელის კმაყოფილებას ერთ საერთო შედეგში, თითოეული მოდელისათვის.

ბრენდები

ჩვენს ჭურჭლის სარეცხის მანქანების რეიტინგებში 20-ზე მეტი ბრენდია წარმოდგენილი. თქვენ შეხვდებით ისეთ ცნობილ სახელებს, როგორიცაა: Amana, Frigidaire, GE, Kenmore, LG, Maytag, Samsung, და Whirlpool. Ikea-ც ასევეა აქ წარმოდგენილი და არა, თქვენ ნამდვილად არ უნდა ააწყოთ თქვენი ჭურჭლის სარეცხი მანქანა, როგორც Ikea-ს სხვა პროდუქტების შემთხვევაში ხდება. და ჩვენი ექსპერტები მიმოიხილავენ სამ B-ს — Beko, Blomberg, და Bosch.   

მაღალფასიანი ნიშის მწარმოებლების ჩამონათვალი მოიცავს ისეთ ბრენდებს, როგორიცაა: Bertazzoni, Dacor, Electrolux, Fisher & Paykel, GE Profile, Jenn-Air, Kenmore Elite, KitchenAid, Miele, Thermador, და Viking. ჩვენ ვცდილობთ სწორედ მაღაზიებსა და ონლაინ-მაღაზიებში მიმდინარე ეტაპზე გაყიდვად ბრენდებზე გავაკეთოთ აქცენტი. ამის გამო ჩვენ ასევე ვტესტავთ მოდელებს Equator, Kucht, და Thor Kitchen-სგან.

Fisher & Paykel კი ერთადერთი მწარმოებელია, რომელიც ამ ეტაპზე უჯრის ფორმის ჭურჭლის სარეცხ მანქანას აწარმოებს და ორ მათგანს სწორედ ჩვენს რეიტინგებში შეხვდებით.

დაასახელეთ თქვენი ფასი

ტრადიციული ჭურჭლის სარეცხი მანქანის სიგანე და სიღრმე 24×24 ინჩის ჩაღრმავებისთვისაა განსაზღვრული. მაგრამ იმ შემთხვევაში თუ ამ ადგილას ჩაღრმავების სიმაღლე შეცვალეთ, მაგაგლითად თქვენი იატაკის დონე ამაღლდა ფილების დაგების შემდეგ, ან სიმაღლე ახალდაკიდებულმა თაროებმა შეამცირა. სწორედ ამიტომ, კარგად გაზომეთ არსებული სივრცე და საცალო მოვაჭრეს მოსთხოვეთ ზუსტი მონაცემები, მოწყობილობის სრული სიმაღლე.

შოპინგის დროს კარგად დააკვირდით როგორაა ჭურჭლის სარეცხი მანქანის ინტერიერი კონფიგურირებული.

500 დოლარი და ნაკლები ფასის ჭურჭლის სარეცხი მანქანები
მართალია ისინი ჩვენი ტესტირების საუკეთესო მაჩვენებლებით ვერ დაიკვეხნიან, მაგრამ თავიანთ დანიშნულებას – ჭურჭლის გასუფთავებასა და გაშრობას კარგად და ზოგ შემთხვევაში შესანიშნავადაც კი ართმევენ თავს.  ჭურჭლის სარეცხი მანქანების უმრავლესობას, მათ შორის მცირეფასიან მოდელებსაც, გააჩნიათ ტენიანობის სენსორი. ის არეგულირებს როგორც ციკლის ხანგრძლივობას, ისე წყლის მოხმარებას, რაც აუმჯობესებს მოწყობილობის საერთო ეფექტიანობას. და ამ ფასის კატეგორიაში არსებულ ზოგიერთ მანქანას უჟანგავი ინტერიერი აქვს. ანუ, რა შეიძლება დავასკვნათ ყოველივე აქედან? მახასიათებლები საბაზისოა: მორგებადი საკიდები და უჟანგავი ფოლადის მილები არ მოჰყვება მათ და უმრავლესობა მათგანი შედარებით ხმაურიანია.

600 დოლარიდან 900 დოლარამდე ფასის ჭურჭლის სარეცხი მანქანები
ამ კატეგორიაში წარმოდგენილი მანქანები არიან უფრო ჩუმი, შესანიშნავი წმენდის მონაცემებით, მოსახერხებელი მახასიათებლებით, რომელიც ნამდვილად დაგარწმუნებთ იმაში, რომ თანხა რომელიც მასში გადაიხადეთ, ამად ღირს, ასევე გააჩნიათ მორგებადი საკიდრები და მოქნილი ბრტყელი სლოტები, რომელსაც თან ახლავს უჟანგავი მილები, რომელსაც პლასტმასის ზედაპირისგან განსხვავებით, ლაქები ნაკლებად აჩნდება. მოიცავს აგრეთვე ტენიანობის სენსორსაც.

1,000 დოლარი და მეტი ფასის ჭურჭლის სარეცხი მანქანები 
იცვლება სტილი და ჭურჭლის სარეცხი მანქანებიც უფრო და უფრო იხვეწება. უკვე ყველა მათგანს აქვს გამოსადეგი მახასიათებლები. ინოვაციური ფუნქციები – როგორიცაა კარგად დასვრილი ნივთებისთვის სპეციალური სამრეცხაო ზონა, WiFi კავშირი კი ბოლო დროის სიახლეა.

ჭურჭლის სარეცხი მანქანების უჯრები

ძირითადად მოიცავს ორ უჯრას, რომელიც ერთდროულადაც შეგიძლიათ გამოიყენოთ და განცალკევებითაც. მაგრამ ისინი ძვირია და ისეთი კარგი შედეგებით ვერ არიან წარმოდგენილი, როგორც უმრავლესობა ტრადიციული ჭურჭლის სარეცხი მანქანა.

ეძიეთ საუკეთესო მახასიათებლები

შოპინგის დროს, ისეთ მახასიათებლებზე გაამახვილეთ ყურადღება, რომლებიც დროის, თანხისა და გაწეული ძალისხმევის დაზოგვაში დაგეხმარებათ.

მორგებადი (ან დამატებითი) სახელურები

ზემოთ და ქვემოთ მოძრავი სახელურები და მორგებადი კბილანები საშუალებას მოგცემთ მოახდინოთ თქვენი ჭურჭლის სარეცხი მანქანის ინტერიერის რეკონფიგურაცია. ვერცხლის კალათები ინდივიდუალური სლოტებითა და ზემოთა მესამე რიგის საკიდარები მართალია გეხმარებათ ჭურჭლის ორგანიზებაში, თუმცა ზღუდავს მეორე რიგის თაროზე დასადები ნივთის სიდიდეს.

ტენიანობის სენსორი

ეს არეგულირებს ციკლის დროსა და წყლის გამოყენებას, რაც წყლის მოხმარების ეფექტიანობას აუმჯობესებს. 

გაწურვის/ლოდინის ციკლი

ეს ციკლი საშუალებას გაძლევთ ნაცვლად სრული ციკლისა, უბრალოდ გაავლოთ წყალი დასვრილ ჭურჭელს (თუ ლაქები არც თუ ისე რთული მოსაშორებელია). ეს უპირატესობა ამცირებს არასასიამოვნო სუნს და ხელს უშლის საკვების ნარჩენების ღრმად ჩაჯდომას, რაც მაშინ ხდება, როცა სრული დატვირთისთვის საჭირო რაოდენობის ჭურჭლის შესაგროვებლად ეს დრო იწელება.

სამრეცხაო ზონები

ზოგიერთ მოდელში ძლიერად დაბინძურებული ჭურჭლის სპეციალური ციკლისთვის გამოყოფილია კონკრეტული ნაწილი. ეს ზონები ყოველ ჯერზე სრულებით არ არიან დატვირთული – ზოგ მოდელში კი აღნიშნული ციკლი მხოლოდ რამდენიმე წუთის მანძილზე გრძელდება. ჩვენს ლაბორატორიებში კი დგინდება რომ ისინი სწორედ ისე მუშაობენ, როგორც ამას მწარმოებელი შეგვპირდა.

ფილტრი

ფილტრის საშუალებით ნარეცხი წყალი იწმინდება საჭმლის იმ ნარჩენებისგან, რომლებიც შეიძლებოდა ახლიდან განლაგებულიყო უკვე გასუფთავებულ ჭურჭელზე. არსებობს ორი ტიპის ფილტრი: თვითმწმენდი და მანუალური. თვითმწმენდი ფილტრით კბილანები ფშვნის ნადებს და შემდგომ ჩარეცხავს მას დრენაჟში. ეს პროცესი მოსახერხებელია, მაგრამ ფაქტობრივად საკმაოდ ხმაურიანიც შეიძლება იყოს. მანუალური წმენდის ფილტრს კი არ აქვს კბილანები, შესაბამისად ის უფრო ჩუმია. მაგრამ სანაცვლოდ, მოგიწევთ მისი ხშირი წმენდა რათა თავიდან აირიდოთ ცუდი სუნი, ეს კი მხოლოდ რამდენიმე წუთის საქმეა.

რეცხვის სპეციალური ციკლები

ჭურჭლის სარეცხი მანქანების უმრავლესობა გვთავაზობს სამ ციკლს: მსუბუქს, სტანდარტულს და ინტენსიურს (ქვაბებისა და ტაფებისათვის) ბევრი ახალი მოდელი კი ასევე მოიცავს „სწრაფ“ და „ექსპრეს“ ციკლებს, რომლებიც ასუფთავებენ მსუბუქად დაბინძურებულ ჭურჭელს ისე ცოტა დროში, როგორიც 20 წუთია. ზოგიერთი მათგანი კი single-rack (ერთ-საკიდარიანი), pot-scrubber (ქვაბის საწმენდი), soak/scrub (დალბობა/წმენდა), steam clean (ორთქლით წმენდა), china/crystal (ფაიფური/კრისტალი), და sanitizing (სანიტარულად დამუშავების) ციკლებსაც კი გვთავაზობს.

ოპერაციების უმეტესობისათვის სამი ძირითადი ციკლი სავსებით საკმარისი უნდა იყოს – თუნდაც მიმხმარი საკვების შემთხვევაშიც. სანიტარულად დამუშავების ფუნქცია წყლის ტემპერატურას ტიპიურ 60 გრადუსზე მეტადა ცხელებს, რაც უფრო მეტად ჭურჭლის სარეცხი მანქანის ინტერიერის დეზინფექცირებისთვისაა განკუთვნილი.

უჟანგავი ლითონის მილები

ეს მახასიათებელი ხელმისაწვდომი საშუალო და მაღალფასიან მოდელებშია, უჟანგავი ლითონი უკეთ უმკლავდება დალაქავების პრობლემას, ღია ფერის პლასტმასის მილებთან შედარებით. ნებისმიერი პლასტმასის მილი კი იმაზე დიდხანს ძლებს, ვიდრე თვით მთლიანი ჭურჭლის სარეცხი მანქანა. ზოგიერთ ახალ მოდელს კი გააჩნია ჰიბრიდული კომპოზიტი ლითონ-პლასტმასის მილები.

ცხელი ჰაერით შრობა

ბიუჯეტური ჭურჭლის სარეცხი მანქანები ტიპიურად რეცხვის ციკლის შემდგომ რამდენიმე საათში აშრობენ დაწდობითა და მილში არსებული ნარჩენი სიცხის გამოყენებით. გირჩევთ ცოტათი მეტი თანხა გადაიხადოთ და იყიდოთ ისეთი მოდელი, რომელიც ბოლო გავლების შემდეგაც გააცხელებს წყალს ან იყენებს სპეციალურ მაცხელებელ ელემენტს ჭურჭლის გასაშრობად, შესაძლოა მასთან ერთად კომბინაციაში ჰქონდეს ვენტილატორი, რომელიც ცხელ ჰაერს აცირკულირებს. ეს მახასიათებლები მოსახერხებლობის ხარისხს ზრდიან, მაგრამ ელექტროენერგიასაც მეტს მოიხმარენ.

დამალული სენსორული მართვის ღილაკები

კარის ზემოთა ზედაპირის გასწვრივ განლაგებული მართვის ღილაკები (რომლებიც კარის დახურვისას იმალება) მკაცრად სტილიზებულია. უარყოფითი მხარეა ის რომ ძირითადად ერთი თვალის შევლებით ვერ შეხედავთ ციკლის პროგრესს. ნაწილობრივ დამალული მართვის ღილაკები კი კარგი კომპრომისია. გეცოდინებათ რომ მანქანა მუშაობს და გაიგებთ თუ რა დროა დარჩენილი ციკლის დასრულებამედ. ზოგ მათგანს მხოლოდ ინდიკატორი განათება გააჩნია, რომელიც გატყობინებთ რომ ჭურჭლის სარეცხი მანქანა ჩართულია.

ხმაურის ფაქტორი

ზოგიერთი ჭურჭლის სარეცხი მანქანის ხმა თვითმფრინავის დაშვების ხმას მოგაგონებთ, რომელიც ნამდვილად გამაღიზიანებელი ხდება, როდესაც 90 წუთიდან დაახლოებით 3 საათამდე გრძელდება. (სხვათაშორის, ჩვენ დროისა და პერფორმანსის ვერანაირი კორელაცია ვერ დავადგინეთ). მწარმოებლები შესაძლოა წარმოადგენდნენ დეციბილების შეფასებას, მაგრამ ისინი მთლიანი ციკლის ხმის გასაშუალებულ მონაცემს დებენ (მოიცავს როგორც უხმო ისე შრობის ციკლს), რაც არასწორ შედეგებზე გაგვიყვანს. მომხმარებელთა კვლევის ექსპერტთა კომისიამ ისმენს ჭურჭლის სარეცხი მანქანის მუშაობის ხმა მისი მთლიანი ციკლის მანძილზე, მიუხედავად იმისა რომ ზოგიერთი მათგანი 3 საათ დროსაც კი უნდება.

ჭურჭლის სარეცხი მანქანის ბრენდები

Amana

Whirlpool-ის ბრენდი Amana-ს ჭურჭლის სარეცხი მანქანები ფასის ქვედა კატეგორიაშია წარმოდგენილი და ძირითადად 500 დოლარი და ნაკლები ღირს.

Beko and Blomberg

ეს ევროპული მოძმე ბრენდები საშუალო ფასის კატეგორიაში არიან წარმოდგენილი და მათი ჭურჭლის სარეცხი მანქანის შეძენა 500 დოლარიდან 850 დოლარამდე დაგიჯდებათ. მათი ყიდვა შეგიძლიათ დამოუკიდებელ დილერებთან.

Bosch 

ეს ევროპული ბრენდი თავის ჭურჭლის სარეცხ მანქანებს 500 დოლარიდან 1000 დოლარამდე დიაპაზონში ყიდის. Bosch გახლავთ BSH Home Appliances Corporation-ის ნაწილი, რომელიც ასევე აწარმოებს Thermador და Gaggenau-ს საოჯახო მოწყობილობებს.

Dacor 

ეს პოპულარული ჭურჭლის სარეცხი მანქანების მწარმოებელი 2016 წელს Samsung-მა შეიძინა. მისი პროდუქცია 1000 დოლარი და მეტ ფასად იყიდება.

Electrolux and Frigidaire 

Electrolux მშობელი კომპანიაა და ორივე ბრენდს დიდ სავაჭრო ცენტრბში, დამოუკიდებელ მოწყობილობების მაღაზიებში და სხვა ეროვნულ საცალო მოვაჭრესთან შეხვდებით. Electrolux-ის მოდელები დაახლოებით 1000 დოლარად იყიდება. Frigidaire-ის მოდელების ფასი კი საშუალოდ 375 დოლარიდან იწყება და Frigidaire Gallery საშუალო ფასი 450 დოლარიდან 750 დოლარამდე შეადგენს. Frigidaire Professional მოდელები ყველაზე ძვირადღირებულია და მათ 900 დოლარად ან უფრო მეტად შეიძენთ.

Fisher & Paykel

F&P ერთადერთი ბრენდია, რომელიც აწარმოებს უჯრიან ჭურჭლის სარეცხ მანქანებს. მისი ფასი 1250 დოლარს და მეტს შეადგენს. ისინი არ აწარმოებენ სრული ზომის ტრადიციულ ჭურჭლის სარეცხ მანქანებს.

GE

აღნიშნული ბრენდი დიდ სავაჭრო ცენტრებში, დამოუკიდებელ საოჯახო მოწყობილობების მაღაზიებში და სხვა ეროვნულ საცალო მოვაჭრეებთან იყიდება, ფასი მერყეობს 300 დოლარიდან 1500 დოლარამდე. ბრენდი მოიცავს GE Profile და GE Café მოდელებს. GE გახლავთ Haier-ის მფლობელობაში.

Ikea

Ikea-ს ჭურჭლის სარეცხი მანქანები წარმოებულია Whirlpool-ის მიერ და დაბალი ფასის კატეგორიაშია განთავსებული.

Kenmore

Kenmore-ს ყიდვა შესაძლებელია Sears-ში და მას სამი ხაზი გააჩნია: Kenmore, Kenmore Elite, და Kenmore Pro. ფასების დიაპაზონი დაახლოებით 380 დოლარიდან 1000 დოლარამდე მერყეობს, Pro მოდელები კი უფრო ძვირად ფასობს.

KitchenAid 

ეს პოპულარული ბრენდი Whirlpool Corporation-ის ნაწილია. მოდელების ფასები 900 დოლარიდან იწყება.

LG 

LG-ს ჭურჭლის სარეცხი მანქანები მეტწილად დიდ სავაჭრო ცენტრებში იყიდება და მათი ფასები 500 დოლარიდან 1000 დოლარამდე მერყეობს, მისი საფირმო მოდელებში კი ფასები ბევრად მაღალ ნიშნულზეა.

Maytag 

Whirlpool-ის მფლობელობაში მყოფი ბრენდი Maytag-ის ჭურჭლის სარეცხი მანქანები საშუალო ფასითაა წარმოდგენილი 550 დოლარიდან 900 დოლარამდე.

Miele

ეს ევროპული ბრენდი საკმაოდ მაღალი ფასით პოზიციონირდება. მომხმარებელთა კვლევების მიერ ტესტირებული მოდელების ფასები 1,700 დოლარიდან 2,200 დოლარამდე დიაპაზონში იყო მოთავსებული.

Samsung 

ხელმისაწვდომია დიდ სავაჭრო ცენტრებში და მისი მინიმალური ფასი 400 დოლარს შეადგენს, Samsung ასევე გვთავაზობს Samsung Chef Collection მოდელებს, რომელთა ფასი აჭარბებს 1000 დოლარს.

Thermador 

Thermador პოპულარული ბრენდია რომელიც თავის ჭურჭლის სარეცხ მანქანებს 1,400 დოლარიდან 2,300 დოლარამდე ფასის დიაპაზონში ყიდის. Thermador BSH Home Appliances-ის ნაწილია, რომელიც ასევე აწარმოებს Bosch და Gaggenau-ს საყოფაცხოვრებო მოწყობილობებს.

Viking 

Pro-სტილის სამზარეულოს მოწყობილობების კუთხით ცნობილი ეს მწარმოებელი ძირითადად დამოუკიდებელ მაღაზიებში იყიდება დაახლოებით 1,000 დოლარიდან 1,700 დოლარამდე ფასით.

Whirlpool

აღნიშნული ბრენდი მეტწილად დიდ სავაჭრო ცენტრებში იყიდება, ფასი კი 300 დოლარიდან 1,000 დოლარამდე მერყეობს. Whirlpool კორპორაცია ასევე აწარმოებს KitchenAid, Jenn-Air, და Maytag-ის მოწყობილობებს.