რა არის N99 ნიღაბი და უნდა იყიდოთ თუ არა ის

ამ დროისთვის თქვენ უფრო მეტი იცით N95 ნიღაბზე, ვიდრე წარმოგიდგენიათ. კორონა ვირუსით გამოწვეული პანდემიის დროს, ეს ნიღბები გახდა მხსნელი ინსტრუმენტები სამედიცინო პერსონალისთვისა და სხვა წინა პლანზე მებრძოლი მუშებისთვის COVID-19ის წინააღმდეგ. თუმცა, შეიძლება შეამჩნიეთ რეკლამები N99 ან R95 ნიღბებზე.

რა არის რესპირატორი?

მოდით დავიწყოთ საფუძვლებით. ყველა ეს ნიღაბი წარმოადგენს რესპირატორს და არა ქირურგიულ ნიღაბს. ყველა ქირურგიული ნიღაბი სახეზე არის მოშვებული და შეღწევის საშუალებას აძლევს ნაწილაკებს, ხოლო რესპირატორების დიზაინი შექმნილია ისე, რომ მთლიანად ჩაბეჭდოს პირის არეალი, ამით კი ისინი გაფილტრავენ ნაწილაკთა უმეტეს ნაწილს. რესპირატორები არიან საუკეთესო დაცვის საშუალებები კრიზისის ამ პერიოდში, სწორედ ამიტომ ცდილობენ საავადმყოფოები და მთავრობები მათ შეძენას წინა ხაზზე მომუშავე პერსონალისთვის. ამ ყველაფერმა მიგვიყვანა N95 ნიღბების გლობალურ დეფიციტამდე.

რას ნიშნავს რიცხვები და ასოები?

რესპირატორების სახელები შედგება რიცხვებისა და ასოებისგან.  ასოები – N, R ან P –  აღნიშნავს არის თუ არა ნიღაბი გამძლე ისეთი ნაწილაკების წინააღმდეგ, როგორიცაა გამხსნელები და პესტიციდები. (N არის არაგამძლე, R არის ზეთოვან გამძლე, P წარმოადგენს ზეთოვან გაუმტარს, რაც სრულიად გამძლეა) რიცხვები კი მიუთითებენ იმ ნაწილაკების პროცენტულობას, რასაც ეს ნიღბები ფილტრავენ. R და P ნიღბები ძირითადად განკუთვნილია სამრეწველო მუშახელისთვის. ზეთოვან გამძლე ნიღბები არ არის რელევანტური ამ დროს, ვინაიდან კორონავირუსის ნაწილაკები არ არის ზეთოვანი.

როგორც წესი, რაც უფრო მეტ ნაწილაკს გაფილტრავს რესპირატორი, მით უფრო რთულია სუნთქვა ნიღბის ტარებისას, ვინაიდან ისინი მცირე ადგილს ტოვებენ ჰაერის ნაკადისთვის. ზოგიერთ რესპირატორულ ნიღაბს მხოლოდ ცალმხრივი სარქველი აქვს, ეს გაძლევს საშუალებას ჰაერი ამოისუნთქო, თუმცა ფილტრავს ნაწილაკებს, რომლებსაც ისუნთქავ. ეს არ არის საუკეთესო ვარიანტი, ვინაიდან თუ ვირუსის უსიმპტომო მატარებელი ხართ, მაშინ თქვენ ამოისუნთქავთ ვირუსის შემცველ ნაწილაკებს. უამრავი ადამიანი ამბობს, რომ სარქველის გარეშე რთულია გეკეთოს უფრო ძლიერად გამფილტრავი ნიღაბი დიდი ხნით და არ იგრძნოთ თავი გაგუდულად. თვით N95 ნიღბებიც განკუთვნილია შეზღუდული დროით სატარებლად: რამდენიმე ხანში, ნაწილაკები იჭედება ფილტრის შიგნით, რაც ართულებს სუნთქვას. კლასიფიკაციის სისტემა შექმნა National Institute of Occupational Safety and Health-მა, რომელიც მხარს უჭერს ნიღბებს და აქვს აპრობირებულ მწარმოებელთა სია. არაპანდემიის დროს, რესპირატორული ნიღბები ძირითადად უკეთიათ იმ მუშებს, რომლებიც მუშაობენ ისეთ ადგილებში, სადაც არის დიდი რაოდენობით მტვერი, როგორიცაა მშენებლობა და სამთო მრეწველობა.

რატომ საუბრობს ხალხი N95 ნიღაბზე?

როგორც მარკ ვილსონმა ახლახან აღწერა, N95 იყო პირველი ერთჯერადი რესპირატორი, რომელიც შემოიტანეს ბაზარზე. ის შეიქმნა კომპანია 3M-ს მიერ და პირველად გამოჩნდა 1972 წელს. წლების განმავლობაში, ათობით სხვა კომპანიებმაც დაიწყეს მისი წარმოება. ის რჩება ყველაზე მოთხოვნად ნიღაბად ბაზარზე, რადგან ის ხელს არ უშლის ჰაერგამტარობასა და ფილტრაციას. სამედიცინო პერსონალს შეუძლია ატაროს ეს ნიღაბი პაციენტებთან შეხვედრისას  COVID-19-ის დროს და არ უჭირდეთ სუნთქვა. ამის გაკეთება შედარებით რთულია უფრო დიდ ფილტრიანი ნიღბით.

უნდა იყიდოთ თუ არა N99 ნიღაბი?

იმ ხალხმა, რომლებიც მუდმივად სახლში არიან, არ უნდა იყიდონ N95 რესპირატორები. ყველა N95 უნდა მივიდეს იმ ადამიანებთან, რომლებიც წინა ფრონტზე იბრძვიან კორონავირუსის წინააღმდეგ. თუმცა, როდესაც საქმე ეხება N99, N100, P99 ან P100 ნიღბებს, მაშინ საქმე ოდნავ სხვანაირადაა.

თუ თქვენ ხართ უბრალო ადამიანი, რომელიც სახლს აფარებს თავს და იშვიათად გადიხართ გარეთ მხოლოდ აუცილებელი ნივთებისთვის, მაშინ თქვენ არ გჭირდებათ ეს ნიღბები. ისინი არ არის იდეალური სამედიცინო პერსონალისთვისაც კი, ვინაიდან მასში რთულია სუნთქვა. N95 რესპირატორის დეფიციტის გამო, უამრავი წინა ფრონტზე მომუშავე პერსონალი ჩავარდა სასოწარკვეთაში სხვა სახის რესპირატორებისგან. ამ მაღალი ფილტრაციის მქონე ნიღბებიდან ერთ-ერთი შეიძლება იყოს მათთვის საუკეთესო არჩევანი.